Wednesday, May 9, 2007

يوم تاريخي بكليه الحاسبات والمعلومات ( اليكم تفاصيل النبأ)

السلام عليكم ورحمه الله وبركاته
احلي سلام لاحلي شباب بجماعه حلوان وهما طلبه حاسبات ومعلومات طبعا ودا مفهوش نقاش بجد
اليوم الي قضيته معاكم انهاره يوم الاربع
9\5\2007

دا اكيد يوم مش هنساه نهائي واكيد كلنا مش هننساهبجد اليوم دا فظيع
جدا احنا عملنا حاجات كتير جدا بس مش عارفه اكتب واقل ايه عنها
لانها حاجات ولحظات تتحس اكتر للي حضر اليوم دا
اتصورنا مع دكتوره امل كلنا بنات واولاد وبعد كدا كل واحد قعد يتصور
مع الجروب بتاعه ومع زميله بس
الاجمل اننا من فرحتنا كنا بنتصور مع ناس صحيح احنا نعرفهم بس مش لينا اختلاط بيهم
بس الحق يتقال الناس دي كانت زي العسل وكل لما واحد فينا يجي يتصور
يلاقي كل الدفعه طالعه معاه في الصوره
كل الناس مش الجروب بتاعي بس

بس بجد كنت ببقي مبسوطه جدا حتي لو احنا مش نعرف بعض كويس
بس جمعتنا حاجات كتير اوي اوي معظمها حاجات تتحس وبلاش اكتبها
علشان الواحد هيقعد يكتب بقي ويطلع الي جواه ويعيط
المهم بعد لما خلصنا تصوير في المدرج نزلنا تحت واتصورنا
مع بعض تاي بنات بس يعني بس اكتر حاجه كانت مضحكه
ان الي كان بيصورنا يبقي قدامه حوالي 5 كاميرا وزيهم موبيل
وياخد الصوره كذا وكل لما نيجي نتحرك ونغير
الشكل مش بيرضي لانه كان لسه قدامه حوالي 10 صور
نفس الشكل مش صورهم بجد دا بيتعبنا اوي بس كنا مبسوطين
والا لما حد يجي يصورك ويفضل اكترمن خمس دقايق عمال
يظبط الصوره ويقولك يمين وشمال وتعالي كدا وتعالي كدا
بيتهيالي لو كنت اتصورت صوره عاديه وحمضتها كانت هتتطلع اسرع
وبعد كدا خدنا بعضنا ورحنا علي الكليه وما ادراكم علي الضجه الي كنا عملنها
لدرجه انت الطلبه الي في اولي وتانيه وتالته قالولي اننا
كنا عاملين دوشه بس نعمل ايه بقي في الشباب الي كان عاوز يفرح وينتهز اي فرصه ويفرح بيها مع زميله لان الوقت الجميل الله اعلم اذا كنا هنتجمع عليه تاني والا لا
المهم اخواتكم الولاد عملوا ايه ياخدوا واحد منهم ويرفعوه لفوق
وهنا بقي حسهم يعلي وياسلام بقي لو صاحبهم دا وقع بيضحكوا
ضحك جامدا موت ما هو زي ما بيقولوا مفيش
حاجهمن غير تمن عاوزه تفرح وتهيص يبقي لازم تقع
كل دا وكانت الساعه ابتدت انها تقرب من 3 مساء
فربنا يبارك للمعيد عمرو جمعنا كلنا عند الباب الرئيسي للكيه
بنات والاولاد وصورنا مع بعض صوره جماعيه
وكمان اتصورنا فيديو وعملنا زي فرقه الكورال الي في الاوبرا بس احناكانت اوبرا شعبيه طلابيه ابتداء من اول اغنيه بلادي وخلي السلاح صاحي
و صوره كلنا كدا عاوزين صوره .... والخ الي ماما زمانها جايه
بجد كنا عاوزين حد يصور الاغاني دي صوت
وصوره يمكن الطلبه دول يبقي ليهم مشتقبل غنائي باهر
ربنا قادر علي كل شيء
وبعد ما عملنا الاحتفاليه الغنائيه واحد عندنا من قسم نظم علي
ما افتكر محمد دسوقي ربنا يكرمه نادي علينا كلنا
قسم نظم يعني واتصورنا مع د كتور شريف
وكمان كام صوره كدا مع بعضنا محنا الله اعلم هنشف بعض تاني والا لا
وبعد كدا جاءت اللحظه الحاسمه د شريف ابتدي
المحاضره هو ودكتور حجاج بس نعمل بقي
ايه في نصيبنا الي يخلي دكتور حجاج يخلص
محاضرته بدري شويه وطلبه علوم حاسب يتصورا
من غيرنا ويرسموا شكل الشعار بس مش مشكله احنا وانتي واحد
خلاص بقي كفايه عليكم كدا اخر اليوم جه
وضرب جرس الانصراف ومشينا

بس بجد انتوا دفعه ما شاء الله متتعوض وربنا مايحرمنا من بعضنا ونفضل علي اتصال علي طول
انهاره حسيت قد ايه اننا كنا بنحب بعض من زمان اوي من غير ما ناخد بالنا حتي الناس الي مش ليا كلام معاهم وعرفاهم شكلا بجد حسيت انهم زي اخواتي واني بحبهم في الله بنات والاولاد
وربنا يجمعنا في الخير والفرح دايما
وجائنا البيان التالي من
المراسله عبير زكريا
احد طلاب جامعه حلوان
كليه الحاسبات والمعلومات
قسم نظم معلومات الفرقه الرابعه

وبعد حوالي شهرين هتبقي البشمهندسه عبير
فولوا ورايا اللهم امين
(ولنا لقاء اخر مع تفاصيل الاحداث اكتر من كدا شويه)
بتمنا لكم الخير من كل قلبي

11 comments:

Angel:Abeer Zakaria said...

معلش ياجماعه اعزروني لو في غلطات املائيه اصلي كنت بكتب وانا تعبانه جدا من اليوم الجميل دا
اصلي كان نفسي اغطي كل الاحداث الي حصلت علشان الي مجاش يبقي عارف ايه الي فاته

Hager said...

السلام عليكم و رحمة الله و بركاته

شاطرة يا عبير قدرتى توصفى اليوم, فعلا كان يوم راااااااااائع و بجد دة احلى يوم قضيته فى الكلية .
هو اينعم انا شفت حاجات غريبة بتحصل من الدفعة دى حسيت ساعتها انهم اطفال و رجعوا لابتدائى بس كانوا زى العسل بجد و اليوم دة عمرى مهنساه ابداااااااااااا

Angel:Abeer Zakaria said...

وعليكم السلام ورحمه الله وبركاته
هو من ناحيه يوم رائع ومحدش هينساه دا الطبيعي بس بجد تصرفاتهم دي كانت لذيذه اوي جايز انتي شيفاه تصرفات اطفال دا بغض النظر عن انها عجبتك عارفه لما يكون الواحد فرحان اوي ونفسه يعمل كل حاجه حلوه في اليوم دا علشان يكون احلي واحلي هما عملوا كدا بالظبط سابوا شعورهم وحبهم لبعض ورغبتهم انهم يودعونا بيوم منفدرش ننساه عملوا الي هما حسينه تلقائيا من غير تفكير
بس بجد احلي حاجه فيهم ظهرت اليوم دا وانا من قلبي بشكرهم علي اليوم الجميل دا

Hala Mehana said...

اه يا عبير بجد كان يوم جامد جدا
ربنا يكرمنا يارب كلنا

miro said...

فعلا ياهاجر انتى وعبير اليوم كان فوق الرائع مكنتش متخيلة انه هيبقى بالجمال والفرح والحماسة اللى شوفتها فى عنين كل واحد
واحلى مافيها التجمع الحلو دة من صحباتى اللى اعرفهم واللى معرفهوش تصوروا اول لما روحت البيت كنت ميتة ومن التعب وكنت ناوية انام لكن مقدرتش انام قبل لما اشوف الصور الحلوة فعلا والله جميلة ومش هقدر فعلا انسى اليوم دة
وعقبال يارب صور التخرج واحنا لابسين الروب قولوا اللهم امين يااااااااااااارب

اختكم مروة شرف

Sunset said...

يوم جامد جدا مش ممكن هنساه رجع زكريات حلوا جوايا وساب اثر رائع بجد انتم دفعه جميله قوى قوى وبحبكم فى الله

Angel:Abeer Zakaria said...

شيماء نجيب ياجماعه حبت تقول لكم كلمتين

shimaa_walid2002: هايله ياعبير تنفعى صحفية ممتازه عبرتى عن اليوم باجمل احساس ورقة ياجميل بيرو فى الدنيا ربنا يخليكى لينا بجد مش عارفه مش هشوفكوا تانى ازاى حاسه ان انتو النفس اللى بعيش بيه بحبكوا اوى بجد انتو عمرى كله يارب نتجمع دايما على خير وحب بس امبارح كان يوم من عمرى واجمل ايام حياتى كان تحفة واحلى حاجه انى


shimaa_walid2002: نظم معلومات وعلوم حاسب كانوا دايبين فى بعض ورجعتلنا زكريات سنة اولى لما كنا دفعة واحده كان يوم لذيذ اوى واكتشفت ان كلنا اصحاب حقيقين بجد ويارب نفضل كده ونسأل على بعض ويارب نتخرج كلنا بتقدير واخيرا ببعت تحية وتقدير لكل المعيدين والدكاتره اللى زى العسل
shimaa nagieb amer

Angel:Abeer Zakaria said...

بجد ياشيماء كلامك جميل اوي وبتقولي علي صحفيه يا بنتي دا انتي رئيسه تحرير كدا بجد والله ياشيماء احنا كمان بنحبك اوي ومش عارفين هنعمل ايه لما تسافر وتتجوزي يارب نفضل علي اتصال بيكي يارب اعمله بس في وليد هو الي خدك مننا بس لاننا بنحبك نتمني لك الخير في كل مكان
وربنا يوفقنا كلنا يارب

Angel:Abeer Zakaria said...

ياجماعه شيماء عماله تقول كلام جلو اوي الواحد مش عارف يقول عليه ايه حلو اووووي
shima: مهما اقول ومهما اعيد فقد يعجز القلم عن وصف ارق واجمل المشاعر بس اللى اقدر اقوله انى بحب وبموت فى دفعة سنة رابعة بجد هتوحشونى اوى كنت حاسه امبارح ان احنا عيلة واحده ياريت بس تفتكرونى ولا تنسونى مهما العمر يجرى ميلادى او هجرى تبقى محبتكم فى قلبى تجرى


shimaa: وختاما ببعت بباقة ورد وفل وياسمين لكل بنت وولد فى الدفعة ربنا يوفقكوا فى حياتكوا العلمية والعملية
shimaa: بس مفيش كلام تانى
shimaa: انا شوفت كلامك يا عبير تحفة
shimaa: بجد انتى وريهام ومروه
shimaa_: اكتر ناس فى الدفعة بحبكو
shimaa: ومى واسماء

funnykat said...

السلام عليكم و رحمة الله و بركاته
إزيك يا عبير ... يا رب تكوني بخير علي طول
فعلا اليوم كان جميل جدا جدا ... كفايه إن الناس كلها إتجمعت مع بعض و كلنا كنا حاجه واحده وأسره واحده
و فعلا أنا زعلانه إني محستش ده من زمان
و إن شاء الله نفضل علي إتصال علي طول

و رنا يوفقنا كلنا إن شاء الله

Horeya Gomaa Taha said...

بسم الله الرحمن الرحيم
ازيك يا عبير
طبعا الواحد ميش عارف يقول ايه ولا ايه وكمان ميش لقيه حاجه اعبر بيها عن اللى فى قلبى
بس ربنا يعلم اد ايه بحبكم وربنا مايفرقناش ابدا عن بعض
ويارب نفضل كده نحب بعض ونكون متعاونين
مع بعض والله اليوم ده فعلا يومى تارخى فى حياتنا وعمره ميش هايتكرر تانى حتى لو اتكرر هايكون مع نفس الناس بكل الحب ده معتقديش
حور